Kreu i PD-së Sali Berisha ishte sot në Mirditë për takimin e radhës elektoral në pragun e zgjedhjeve të 11 majit.
Berisha në fjalën e tij akuzoi Ramën për shpenzimet marramendëse në disa prej punëve publike. Sakaq, e kritikoi pasi kryeministri ka thënë se në Shqipëri nuk vdes njeri për bukë.
Berisha tha se PD ka gati programin e Shqipërisë Madhështore për të nxjerrë brenda 100 ditëve çdo shqiptar nga varfëria ekstreme.
Berisha: 17 mln euro unaza, 1 km në Unazën e Tiranës. Paratë e rrogave tuaja, pensioneve i kaloi në rrugë për ti vjedhur. Ku i çoi tjetër? 130 mln euro, djegësi i Tiranës. Nuk ka një tullë në themele. 120 mln euro ja mori Beketi sepse nuk duronte kritikat e tv së tij dhe e përzuri. 21 mln euro avion në dizpozicion. 5 mln kopshti i Edenit që nuk e ka as mbreti i Anglisë, as Shtëpia e Bardhë, e bleu Rama për sytë e tij. Kjo është mënyra si i përzuri Rama shqiptarët nga Shqipëria.
Jo vetëm kaq. Kanë një pandjeshmëri absolute ndaj jush si qytetarë. Dëgjoni çthotë, nuk vdes kush urie këtu. Ju kujtohet se në atë kohë thoshin se nuk vdes kush urie. E rikthyen atë term. Këtu është puna që duhet të jetojnë normal njerëzit. Duhen të ndjehen të përfillur. Çdo shqiptar paguan 4-fishin për kujdesin shëndetësor më shumë se bukën. Shpenzojnë duke blerë ilaçet e Vilma Nushit. Një shoqëri skuqet që lejon vëllezërit dhe motrat e veta të pamjekuar.
E bëjnë ata që vjedhin shqiptarët, ata që vjedhin shqiptarët urrejnë shqiptarët. Ndaj dhe ne sjellim para shqiptarëve programin e Shqipërisë Madhështore. Ky program është një mision për të nxjerrë çdo shqiptar brenda 100 ditëve nga varfëria ekstreme. Është një mision për ti dhënë çdo shqiptari një mundësi të re. Për të ngritur Mirditën dhe Shqipërinë në madhështinë e vet.
