Duket se akuzat e Tom Doshit ndaj zyrtarëve të lartë të PS-së dhe Qeverisë janë vetëm për të mbledhur vota opozitare, pasi pas zgjedhjeve të 11 Majit, ai do bashkojë sërish votat me Edi Ramën në Kuvend.
Këtë gjë e ka thënë vetë Tom Doshi gjatë një mitingu në Korçë, ku është shprehur se PSD nuk do të sjellë kurrë Sali Berishën në pushtet, por do të bashkëpunojnë sërish me PS-në.
Tom Doshi u shpreh se ndonjë kritikë ndaj PS-së e ka vetëm për faktin se po u bëjnë presion njerëzve të tij në administratë për votat, duke i dhunuar psikologjikisht sipas tij.
“Ne jemi partia që i kemi bashkuar të gjithë votuesit, të majtë e të djathtë. Po luftojmë për mandatet tona, por jo për të sjellë Berishën në pushtet. Sërish nesër do të bashkëpunojmë me PS por nuk më vjen mirë nga mënyra se si po sillen me ju në Korçë dhe të gjithë Shqipërinë. Po bëjnë presion për vende pune, fermerëve, bizneseve. Kjo nuk është e drejtë dhe për këtë ju përgjigjeni me votë. Edhe ato që nuk janë prezent dhe punojnë në administratë që po i dhunojnë nga ana psikologjike, sot në 2025 kërkojmë të jemi pjesë e Europës, por Europë nuk që të dhunosh tjetrit për të votuar. Ne e kemi lënë pas komunizmin. Ndaj ju bëj thirrje edhe atyre që nuk janë sot këtu: Votoni PSD, jemi partia e tretë politike. Nuk kemi ardhur këtu të prishim mandatet e PS, por të marrim mandatin e PSD-së”, është shprehur Tom Doshi.
