Baton Haxhiu u shpreh se Shqipëria është ende shumë larg standardeve europiane sa i përket furnizimit me ujë të pijshëm.
Ai theksoi se ndryshe nga disa vende të Ballkanit, të cilat kanë një rrjet të konsoliduar të ujësjellësit, Shqipëria ende nuk ka arritur atë nivel dhe, sipas tij, nuk pritet ta arrijë as deri në vitin 2028 apo 2030.
Ai rikujtoi premtimin e kryeministrit Edi Rama në vitin 2022 për furnizim me ujë 24 orë në ditë, por u shpreh skeptik për realizimin e këtij zotimi në afatin e dhënë.
“Ka një rrjet të shtruar të ujësjellësit. Shqipëria nuk e ka arritur nivelin e dy vendeve të Ballkanit dhe, normalisht, nuk do ta arrijë për një kohë të gjatë nivelin e Bashkimit Europian, ku çdo shtëpi ka ujë të pijshëm. Unë nuk besoj se Shqipëria do të ketë furnizim me ujë 24 orë deri në vitet 2028–2030. Nuk ka buxhet, sepse uji ose kanalizimet shpeshherë financohen nga BE-ja. Rama tha në vitin 2022 se do të kishte ujë 24 orë”, tha Haxhiu per Syri tv.
