Politologu Ilir Kalemaj, i ftuar në MCN, ka komentuar disa prej premtimeve të Edi Ramës gjatë fushatës elektorale për zgjedhjet parlamentare të 11 Majit.
Kalemaj tha se në nisje të saj, Edi Rama nuk prezantoi asnjë program, por në pjesën e dytë të saj po adapton idetë e hedhura nga opozita.
“Në minutat e fundit, Rama mori disa teza të opozitës, duke i kombinuar me politika në thyerje të Kodit Zgjedhor. Po e shet paqen fiskale si diçka të re, por ka zero efekt te taksapaguesi. Po mundohet ta kamuflojë amnistinë fiskale për çunat e Londrës me këtë mekanizëm të ri.
Çmimet në Shqipëri janë bërë të papërballueshme për qytetarët. 46% e shpenzimeve të një shqiptari shkojnë për ushqime. Këto që do t’i çonin një faturë zgjedhore zotit Rama, kanë bërë të mundur që ai të hyjë në kohën shtesë duke ofruar çdo ditë diçka të re.
Rama ka premtuar mbledhjen e taksave në raport me PBB në 2013. Sot ka të njëjtën ritëm mbledhjeje. Edhe premtime të tjera si rrugët, që u kthyen në rrugë të florinjta, ku nuk kemi kantiere. Premtimet e tij nuk janë materializuar. Foli për 300 mijë vende pune. Janë 700 e ca pensionistë që nuk u është indeksuar pensioni. Rreth 1 milion shqiptarë kanë ikur në vitet e fundit.” – tha Ilir Kalemaj.
