Deputetja demokrate, Jorida Tabaku ka komentuar zgjedhjet e pjesshme të 9 nëntorit, ku pjesëmarrja e qyetarëve ishte shumë e ulët.
Referuar braktisjes së kutive të votimit, Tabaku thotë se këto zgjedhje ishte një tregues i qartë se qytetarët e kanë humbur besimin tek politika.
Ajo shton se duhet një reflektim nga partitë politike.
“E pashë me trishtim pjesëmarrjen në zgjedhje. Ky ishte dhe një mesazh për politikën, për të bërë gjërat ndryshme. Ka ndodhur në këtë vend që zgjedhjet e pjesshme i ka fituar qeverisja, por këtë herë është zgjedhur kryetar bashkie me 6% të votave në Vlorë. Nuk ka proces aty. Njerëzit nuk kanë besim. Nuk them që e ka vetëm fajin pala tjetër, ne duhet patjetër ta shohim te ne. Kemi pasur dhe një diskutim të gjatë në kryesi”, tha mes të tjerash Tabaku në A2 CNN.
