Tirana pësoi disfatë 1-0 ndaj Teutës në kryeqytet në javën e parafundit të Superiores, duke bërë që qëndrimi në elitë tashmë të mos jetë në dorën e tyre. Në javën e fundit, kryeqytetasit, do të kenë nevojë për një mrekulli të vërtetë.
Rasti i parë serioz do vinte pas çerek ore lojë. Një top i fortë në zonë kalon gjithë pasqyrën e portës por nuk është askush aty për të dërguar topin në rrjetë.
Pak më vonë, bardheblutë kërkuan të përfitojnë nga një rrëmujë në zonë me Jarmouni e Soler, por prapavija kundërshtare ishte e vëmendshme.
5 minuta nga fundi i pjesës së parë, Ndreca vendosi në provë Tafas, e menjëhershme përgjigja e portierit.
Fraksioni i dytë ishte mjaft i luftuar, Bajrovic fitoi penallti pasi u pengua në zonë. Jarmouni nuk u tregua i saktë nga pika e bardhë, me portierin që kuptoi gjithçka.
Durrsakët do ndëshkonin Tiranën me anë të Beshiraj, i cili me një goditje të bukur “përshëndeti” rrjetën.
Në sfidat e tjera, spikasin fitoret e arta të Bylisit dhe Laçit, ndërkohë që dueli mes Elbasanit dhe Vllaznisë dhe Egnatia-Skënderbeu u mbyllën pa fitues.
Rezultatet:
Renditja:
