Kreu i Autoritetit Rrugor Shqiptar, Gentian Gjyli është marrë zyrtarisht i pandehur nga SPAK.
Gjyli u paraqit mëngjesin e kësaj të hëne në Prokurorinë e Posaçme dhe në dalje të saj avokati konfirmoi se Gjylit iu komunikua akuza zyrtare për tunelin e Llogarasë, ndërsa vetë Gjyli nuk u prononcua për mediat.
Për tenderin e Tunelit të Llogarasë është marrë të premten e pandehur edhe zv/kryeministrja dhe ministrja e Infrastrukturës dhe Energjisë, Belinda Balluku me akuzën e shkeljes së barazisë në tendera.
Akuzat per Ballukun
Te premten, 31 tetor, Prokuroria e Posaçme kundër Korrupsionit dhe Krimit të Organizuar mori te pandehur Belinda Ballukun per “Shkelje e barazisë së pjesëmarrësve në tendera apo ankande publike”.
Në kuadër të hetimit të këtij procedimi penal, më 31.10.2025 i është njoftuar akuza të pandehurës Belinda Balluku, me funksionin e lartë shtetëror, Ministër i Ministrisë së Infrastrukturës dhe Energjisë, akuzuar për kryerjen e veprës penale,“Shkelje e barazisë së pjesëmarrësve në tendera apo ankande publike”, në bashkëpunim, parashikuar nga nenet, 258/2 dhe 25 i Kodit Penal.
Deri në këtë fazë të hetimeve paraprake, faktet penale, objekt akuze në ngarkim të të pandehurës Belinda Balluku, kanë të bëjnë me veprimet e saj, në cilësinë e Ministrit të Ministrisë së Infrastrukturës dhe Energjisë, për njërën nga procedurat e prokurimit, objekt i këtij hetimi, “Ndërtimi i tunelit të Llogarasë”, në seksionin rrugor Orikum-Himarë, pjesë e autostradës SH8 (Vlorë-Sarandë), zhvilluar në datën 11.12.2020 dhe pas anulimit të saj, procedura është rihapur në datën 22.6.2021, me fond limit, 18 967 810 952.08 (tetëmbëdhjetë miliardë e nëntëqind e gjashtëdhjetë e shtatë milionë e tetëqind e dhjetë mijë e nëntëqind e pesëdhjetë e dy (pikë) zero tetë) lekë pa TVSH.
LEXO EDHE:
Skandali/ Tuneli i Llogarasë pa leje ndërtimi, Policia dhe IKMT mbyllën sytë për 3 vjet
Hap pas hapi/ Si u përmbys bota e Ballukut. Tuneli 180 mln euro rrëzoi Belën e qeverisë
