Ministri i Brendshëm, Ervin Hoxha është filmuar së fundmi në njësinë numër 1 në Tiranë teksa nxjerr nga mjeti që udhëton një pako me fletushka. Këto fletë besohet se i përkasin fushatës elektorale të Partisë Socialiste.
Aktivisti Rigels Xhemollari në rrjetet sociale ka ndarë disa video ku duket ministri Hoxha. Xhemollari në një nga videot shprehet se Hoxha nxorri nga makina e shtetit fletëpalosje.
Sipas tij makinat e shteti dhe Garda e republikës që po përdoret nga Hoxha ndërsa ato paguhen nga qytetarët për ti shërbyer shtetit dhe jo partisë.
“Këtu ndodhemi në njësinë numer 1. Ky është Ervin Hoxha ministër i brendshëm, nxorri disa fletëpalosje nga makina e shteti që paguhet me paratë e shtetit. E shoqërojnë dy makina të tjera, badyguard dhe garda e republikës. I paguajmë për ti shërbyer shtetit jo partisë. Ja prova për prokurorinë dhe SPAK e këdo organ që mund të hetojë ministrin e brendshëm është këtu” shkruan Rigels Xhemollari në video.
Më tej Xhemollari shkruan në postim se fletushkat kanë simbole të PS-së dhe numrin 5-së.
Aktivisti bëri thirrje që SPAK të nisë hetimet për ministrin. Ai shtoi se dorëheqja nuk duhet te diskutohet, por ky krim zgjedhor duhet te hetohet e të bëhet shembull për këdo zyrtar tjeter.
“SPAK TE NISE HETIM PER MINISTRIN E BRENDSHEM ERVIN HOXHA. Ne shkelje flagrante Ministri i Brendshem Ervin Hoxha përdor makinen e shtetit (targa e evidentuar) dhe Garden e Republikes ne njesine nr 1 ne Tirane. Perdorimi i Makines dhe shoqerimi i Gardes jashte orarit te punes, por në shërbim te ministrit si kandidat per deputet i PS, me fletushka qe kanë simbolë te PS si numri 5 përben veper penale dhe dënohet me burg. Dorëheqja nuk duhet te diskutohet, por ky krim zgjedhor duhet te hetohet e te behet shembull per kedo zyrtar tjeter,” shkruan Xhemollari.
