Gazetari Osman Stafa ka denoncuar ditën e sotme kushtet skandaloze tek Pediatria e Specialiteteve, e cila u inagurua vetëm 1 muaj më parë.
Gazetari ka publikuar disa video ku familjarë duken qe fusin bidona me ujë në Pediatri.
Sipas tij, familjarët thonë se nuk ka ujë të ngrohtë në spital, për të larë fëmijët, e për këtë arsye detyrohen të marrin ujë në shtëpi. E ata që kanë shtëpitë larg, shton gazetari, marrin ujë tek lokalet afër QSUT-së.
Gazetari Stafa thekson faktin se një fakt i tillë është i papranueshëm, pasi kjo është një nevojë bazike që kanë fëmijët, të cilët rrinë prej një kohe të gjatë në spital.
Ai thotë se teksa nga njëra anë bëhet propagandë me shëndetësinë, sistemi shëndetësor shqiptar, se ka një pajisje Ecmo, e cila nevojitet për të sëmurët me probleme në zemër, nuk ka një pet-scan e cila nevojitet për të sëmurët me kancer dhe se analizat 10 ditët e fundit të muajit nuk bëhen për pacientët e shtruar nëpër spitale.
