Shëndetësia është një sektor i rëndësishëm që ndikon drejtpërdrejt në mirëqenien e qytetarëve dhe cilësinë e jetës. Një tregues kyç i disponueshmërisë së shërbimeve shëndetësore është numri i mjekëve për çdo 10,000 banorë. “Scan Intel” ka marrë në shqyrtim të dhënat nga numri i popullsisë për cdo qark bazuar te Censi i vitit 2023 dhe numrin e mjekëve sipas qarkut bazuar të Rregjistri i Mjekëve.
Në Tiranë, i cili është gjithashtu qyteti më i populluar i Shqipërisë, raporti i mjekëve është mjaft i lartë. Tirana ka 4819 mjekë në total, që do të thotë se aktualisht rreth 63.5 mjekë ofrojnë shërbim për çdo 10,000 banorë. Nga ana tjetër, Durrësi ka 556 mjekë, që do të thotë se raporti i për 10,000 banorë është më i ulët, me vetëm 24.5 mjekë për 10,000 banorë.
Në qytetin e Beratit raporti është 16.6 mjekë për 10,000 banorë, ndërsa Shkodra, me një popullsi prej 154,479 banorësh dhe 355 mjekësh ka një raport prej 22.9 mjekë për 10,000 banorë.
Nga ana tjetër, Elbasani ka një raport prej 18.5 mjekësh për 10,000 banorë, që është më i ulët se në disa qytete të tjera, por ende një nivel i pranueshëm për shërbimet shëndetësore.
Ajo që bie në sy është se edhe në Vlorë ky raport nuk paraqitet dhe shumë pozitiv pasi ka 11.3 mjekë për 10,000 banorë. Ndërkohë, vendin e dytë për këtë raport pas Tiranës e mban qarku i Gjirokastrës me plot 41.3 mjekë per 10,000 banorë. Në Lezhë, Fier dhe Kukës numri paraqitet i ngjashëm me 17.2, 19.7 dhe 18.2 mjeke per 10000 banorë.
Dibra renditet në fund të listës me raportin më të ulët. Në këtë qark numërohen rreth 11 mjekë për 10 mijë banorë.
Në përgjithësi, BE ka një mesatare më të lartë sesa Shqipëria. Shtetet më të zhvilluara kanë raporte që mund të shkojnë deri në 50-60 mjekë për 10,000 banorë, ndërsa ato më të vogla mund të kenë raporte më të ulëta.
Tirana, me 63.5 mjekë për 10,000 banorë, është relativisht e afërt me mesataren e BE-së, por Durrësi dhe Berati, me 24.5 me 16.6 mjekë për 10,000 banorë, kanë raporte shumë më të ulëta se të BE-së./SCAN
