Kreu i Komisonit Qendror Zgjedhir (KQZ), Ilirjan Celibashi ka rrëzuar ditën e sotme ankesën e paraqitur nga Partia Demokratike ku kërkohej nisja e një hetimi lidhur me shpërndarjen e bonusit të pranverës.
Demokratët në kërkesën e tyre bëjnë me dije që bonusi ishte një shpërblim elektoral i qeverisë për zgjedhjet e 11 majit, pasi sipas tyre, ky vendim përbën një akt të pastër elektoral që bie ndesh me parimet dhe nenet e Kodit Zgjedhor.
“Jemi të dizavantazhuar, shpërndahen bonuse me efekte tani, ndalojini”, ishte thirrja e PD në KQZ.
Por mazhoranca e mohoi, duke thënë se vendimi është marrë shumë muaj më parë dhe jo tani për fushatë.
“E miratuam para 4 muajsh”, ishte reagimi zyrtar i qeverisë nëpërmjet përfaqësuesve të saj.
Nuk kishte si të ndodhte ndryshe pasi edhe kreu i KQZ-së, Ilirjan Celibashi u reshtua në krah të Ramës duke ndarë të njëjtin mendim si mazhoranca socialiste. Sipas Celibashit, në këtë çështje nuk ka shkelje ligjore pasi shpërndarja e këtij bonusi për pensionistët është miratuar përpara fashës ndaluese që parashikon ligji për zgjedhjet elektorale.
“Nuk ka shkelje ligji, u miratua përpara fashës ndaluese që parashikon ligji”, u shpreh Ilirjan Celibashi.
Lexo edhe:
PD kërkesë KQZ: Bonusi i pranverës në kundërshtim me Kodin Zgjedhor, hetoni dhe merrni masa!
