PD ka denoncuar pranë KQZ, vendimin e kryeministrit Edi Rama për shpërndarjen e bonusit të pranverës për pensionistët, në kundërshtim të hapur të Kodit Zgjedhor.
Përmes një shkresë zyrtare drejtuar KQZ, PD ka renditur të gjitha shkeljet ligjore të kryeministrit Rama për të përdorur paratë e të buxhetit të shtetit pak javë nga mbajtja e zgjedhjeve parlamentare të 11 majit.
Në dokumentin e PD, thuhet se vendimi i qeverisë dhe kryeminsitrit Rama është i patolerusheshëm, një vendim elektoral që bie ndesh me Kodin Zgjedhor.
PD, dyshon se qëllimi i VKM dhe shpërndarjes së bonueseve para fushatës zgjedhore, bëhet për qëllime politike dhe lidhet me zgjedhjet për Kuvend të datës 11 maj 2025.
Në përfundim të shkresës zyrtare pas parashtrimeve të argumenteve ligjore se një vendim I tillë bie ndesh me Kodin Zgjedhor, PD kërkon nga KQZ nisjen e një hetimi administrativ dhe marrjen e masave administrative sipas legjislacionit në fuqi.
