Policia e Vlorës ka goditur dy raste të shpërndarjes së drogës dhe tregtisë së paligjshme të mallrave të dyshuara si të kontrabanduara dhe si rezultat ka arrestuar dy persona.
Raportohet se në kuadër të operacionit të koduar “Tabacchino” janë arrestuar shtetasit D. B., 40 vjeç, K. V., 44 vjeç dhe A. T., 39 vjeç, të tre banues në Vlorë.
“Arrestimi i tyre u bë pasi, gjatë kontrollit në dy subjekte tregtare të llojit tabakino, në qytetin e Vlorës, njëri në përdorim nga shtetasi D. B. dhe tjetri në përdorim nga shtetasit K. V. dhe A. T, shërbimet e Policisë gjetën dhe sekuestruan, në cilësinë e provës materiale, dhjetëra doza me lëndë narkotike të dyshuara si kokainë dhe kanabis, si dhe një sasi paketash cigaresh pa pullën fiskale të Ministrisë së Financave, të dyshuara si të kontrabanduara.” – njoftojnë blutë e qytetit bregdetar.
Materialet proceduralejanë referuar në Prokurorinë e Vlorës për veprime të mëtejshme.
