Emisioni “Stop” është drejtuar për në njësinë administrative Gjocaj në Peqin, ku qytetari Enver Elezi ankohet se ka një problem me vëllain e tij, Ilia Elezi. Ky i fundit nuk e lejon që të vendosë një mur ndarës.
Enveri e ka përfituar banesën dykatëshe për të cilën ka edhe certifikatë pronësie nga familjarët e tij që i kanë dhënë firmën për ndërtesën e vjetër. Ndërkohë për truallin, figuron si kryefamiljar një vëlla tjetër, Lulzim Elezi, i cili nuk ka pretendim për atë truall, por thjesht nuk ka të ardhura që të bëjë kalimin e pronës te noteri se duhen 1 milionë lekë për këtë shërbim.
Për këtë rast “Stop” bisedon me kryetarin e njësisë Gjocaj, Kleant Xhyra, i cili tha se ai vetë shkoi në tek banesat e tyre, bëri matjet dhe vendosi piketat për ndërtimin e murit. Por mesa duket, thotë ai, vëllezërit Elezi kanë ndryshuar mendje.
E meqë nuk bien dakord, njëri nga vëllezërit, Ilia Elezi, i kërkon gazetares të shohë kasetën e dasmës për të kuptuar se ku ka qenë rrethimi.
Ilia Elezi: Nxirr kasetën e dasmës!
Gazetarja: Pse këmbëngul që unë të shoh kasetën e dasmës?
Ilia Elezi: Këmbëngul se zotëria që ka qenë lart, shihe ku ka qenë.
Përfundimisht dy vëllezërit, Enver dhe Lulzim Elezi bien dakord që të aplikojnë në bashkinë Peqin për vendosje muri.
Lulzim Elezi: E ndihmoj! Vij e ndihmoj!
