Pasi në media u publikua një investigim sesi me firmë të ministres së Energjisë dhe Infrastrukturës një emigrante ishte bërë biznesmene energjie vetëm për shkak se ishte motra e drejtorit të Belinda Ballukut, ka reaguar kreu i Grupit Parlamentar të PD, Gazment Bardhi.
Në një postim në Facebook, Bardhi shkruan se Balluku po pasuron njerëzit pranë saj ose pranë kryeministrit Edi Rama, duke iu dhënë projekte publike.
Ndërsa ëm tëj, demokrati shkruan se skema e përdorur nga Balluku është e ngjashme me atë ‘5D’ të Bashkisë Tiranë, dhe ngre pyetjen për SPAK: A do të trajtohet njësoj edhe Belinda Balluku me drejtorët e saj?
“A e dini se sa herë firmos, Belinda Balluku pasuron dikë afër vetes ose Edi Ramës? Një investigim i shkëlqyer i emisionit “Plug” sjell prova gozhduese sesi drejtorët e Belindës, të maskuar dhe të pamaskuar, licencohen nga Belinda për t’u bërë milionerë me biznesin e prodhimit të energjisë. Kjo është një skemë që çoi në burg drejtorët 5D të Erion Veliajt bashkë me Erion Veliajn. Pyetja për SPAK-un është: A do të trajtohet njësoj edhe Belinda Balluku me drejtorët e saj?”.
Lexo edhe:
Kompani në emër të motrës dhe kunatit, Balluku “qeras” drejtorin me licencë të fotovoltaikëve
