Presidenti i SHBA, Donald Trump ka reaguar në lidhje me protestat masive që po zhvillohen në Turqi pas arrestimit të liderit të opozitës turke Ekrem Imamoglu.
Trump e ka përshkruar presidentin turk Rexhep Tajip Erdogan si një udhëheqës “të mirë”.
Presidenti amerikan e bëri këtë koment gjatë një takimi në Shtëpinë e Bardhë me ambasadorët e sapoemëruar, duke përfshirë Tom Barrack, të emëruarin e tij për ambasador të SHBA në Turqi.
“Si një nga qytetërimet më të vjetra në botë, kombi pritës kërkon vizionin tuaj për paqen, prosperitetin dhe sigurinë”, i tha Barrack-Trump.
Ndërsa, presidenti Trump u shpreh se Turqia është një vend i mirë i cili udhëhiqet gjithashtu nga një lider i mirë.
“Është një vend i mirë dhe udhëheqësi i tij është gjithashtu i mirë”, tha Trump.
Shkëmbimi erdhi mes protestave më të mëdha antiqeveritare të Turqisë në më shumë se një dekadë, të shkaktuara nga arrestimi i kryebashkiakut të Stambollit Ekrem Imamoglu.
