Kërkesa ende e lartë për të blerë apartamente në Tiranë, po shton lejet e ndërtimit për prona të patundshme.
Të dhënat nga Instituti i Statistikave tregojnë vitin e shkuar dha leje për ndërtimin e 494 objekteve nga 411 në 2023-shin.
“Do të thotë se nevoja për investim dhe nevoja për ndërtim të jetë po e lartë siç ka qenë në këtë 10 vitet e fundit. Sipas asaj që ne parashikojmë, do të jetë kështu edhe në 10-15 vitet e ardhshme”, shprehet Reinaldo Pipiria, Drejtor Ekzekutiv i NAREA.
Të dhënat e INSTAT tregojnë ndërkohës e në rang vendi, vitin e shkuar u dha leje ndërtimi me sipërfaqe gati 2.5 milionë m2, në rritje me 18.1 për qind se krahasuar me 2023-shin.
“Ne e kemi ndjerë në çdo hapësirë, jo vetëm të ndërtimit rritjen e kostos së ndërtimit. Për shkak të rritjes së kostove të lëndëve të para, karburanti është rritur. Në tregjet rajonale dhe ato më gjerë ka rritje të kostove”, shton Pipiria.
Po çfarë mesazhi përcjellin shtimi i ndërtimeve dhe rritja e kostove në drejtim të çmimeve të apartamenteve? A to të vijojnë të shtrenjtohen shtëpitë?
“Unë mendoj se kanë arritur një moment saturimi. Sigurisht që ato janë pak mbi mundësitë e atyre që duan të blejnë. Duke qene se tregu e mban këtë çmim, ndaj janë edhe këto çmime. Mendoj se nuk do të kemi rritje të mëtejshme. Nuk do të kemi ndryshime të ndjeshme nga ç’ka ndodhur 5 vitet e fundit”, tregon eksperti.
Pjesa më e madhe e lejeve të ndërtimit të dhëna në harkun e muajve janar-mars, gati 70 për qind kanë qenë për objekte banimi./ A2CNN
