Nga Basir Çollaku
“Hynë në universitet si në fshatin e Korleones…” thotë bablok detoksi. Nuk ke parë gjë akoma bablok! Do të hyhet në të gjitha katet e zgëqet e pushtetit edhe si në Kali, Medelin, Çikago, Ist Harlem, Apakulpo e Verakruz.
Ashtu si personazhi Zhurdën i Molierit që kishte folur prozë gjithë jetën pa e ditur se ç’është proza, edhe shtetari më i rëndësishëm në Shqipëri është kryemafioz, pa e ditur se ç’është mafia.
Tre sikletet recidiviste të bablokut me SPAK:
1-SPAK-un e sheh si një asteroid që rrezikon ta godasë pashmangmërisht jo vetëm enturazhin e tij por dhe atë vetë.
2-SPAK-un e identifikon si kërcënues të skemës së tij industriale të përlarjes së votave dhe dekurajimit të patronazhistëve.
3-Çunat e Guajakilit, Londrës, Roterdamit, Brukselit, Hamburgut dhe Dubait kanë nisur t’i kërkojnë llogari për mospërmushjen e garancisë së dhënë solemnisht për neutralizimin e SPAK.
Ai:
Arrestoi fukarenj për mospagim dritash.
U vuri byzylykë hallexhinjve që riparonin çatinë e shtëpisë së vet.
Çoi te shtatë pexheret të moshuarën që ndërtoi kotec pa leje.
Rrasi në birucë nënën me foshnje 7-muajshe.
E paketoi betberin që qethi apo rroi pa kupon tatimor.
U hodhi prangat fshatarëve që prisnin dru dhe të rinjve që vinin në celular baste sportive.
I nxori në 5 të mëngjezit me RENEA dhe gaz lotësjellës, pleq e plaka, gra e foshnja dhe u rrafshoi shtëpitë për të hapur troje të lira ndërtimi për oligarkët.
Dhe vajton Sy më Sy për represion dhe Vladimiroviç.
Kujton se miltetit i kanë plasur sytë dhe ka himbur kujtesën!…
Dhe vjen një ditë
Encrochat, Sky Ecc, Matrixx. Tri kutitë e zeza të qeveritarëve dhe krimit të organizuar shqiptar. Kutia e Pandorës është lule para tyre. Nuk keni parë gjë akoma! Sepse ka ndodhur. Pas këmbënguljes së adminitratës së re amerikane( iu desh të ushtrojë presion pozitiv mbi njërin nga vendet refuzuese, sepse dy nga tri vendet që i disponojnë ishin dakord), transferohet në SHBA kopja e të gjitha komunikimeve Encro dhe Sky. Matrixx e kishin, madje e kanë memorizuar live. Edi i kujton Ramës, nuk keni parë gjë akoma!
