Qëndresa Qytetare zhvilloi ditën e sotme një protestë përpara Kryesisë së Kuvendit ku Edi Rama mblodhi grupin parlamentar për një dëgjesë me rektorin e UBT-së, Fatabardh Sallaku.
Aktivisti Migen Qiraxhi ngriti akuza të ashpra ndaj qeverisë për sulmet ndaj drejtësisë në Shqipëri. Gjatë fjalës së tij, Qiraxhi theksoi se kjo është një nga dramat më të mëdha që mund të ndodhin në një demokraci, duke pasqyruar shqetësimin për ndërhyrjen e Kryeministrit në sistemin e drejtësisë.
Ai kritikoi hapjen e dyerve për të akuzuarit për korrupsion në parlament dhe theksoi se Kryeministri ka shkatërruar rendin dhe drejtësinë.
Më tej, në një reagim në Facebook, Qëndresa Qytetare shprehet se jo Rama, por as shenjtori më i madh nuk e justifikon dot vjedhjen e 900 000 eurove të cilat sot do duhet të ishin laborator shkencor, e jo në xhepat e atyre që kanë zënë dyert e paraburgimit.
Postimi i plotë:
Se bashku ne aktiviste te Drejtesise Sociale dhe qytetare reaguam kunder fasades se shfajesimit te Rektorit te UBT perpara Kryeminsitrit dhe partise se tij.
Per korrupsionin dhe zyrtaret e korruptuar nuk ka dhe nuk duhet te kete amnisti. Ata qe fusin duart ne xhepat e qytetareve duhet te perballen me drejtesine jo me partine. Koha kur partia ishte edhe drejtesia ka marre fund ne vitin 1990.
Leket e studenteve jane bere tulla, roje, boje e pllaka, nderkohe qe rinia braktis vendin per kushte me te mira arsimi.
Jo Kryeministri por shenjtori me i madh nuk e justifikon dot vjedhjen e 900 000 eurove te cilat sot do duhet te ishin laborator shkencor, e jo ne xhepat e atyre qe kane zene dyert e paraburgimit.
Nje Parlament qe amniston korrupsionin, dublon e sulmon sistemin e drejtesise, nje parlament qe cenon rendin kushtetues nuk duhet ti ngryste 24 ore ne cdo vend te zhvilluar.
Qendresa Qytetare inkurajon dhe pergezon punen e organeve te drejtesise, si e vetmja rruge nepermjet te ciles mund te pastrojme elitat politike, akademike dhe te ndahemi njeher e mire nga hajdutet e tenderave dhe parave te qytetareve.
