Prokuroria e Posaçme (SPAK) ka reaguar në lidhje me kritikat e Edi Ramës, i cili akuzoi organin e akuzës për shkelje të standardeve duke abuzuar me dhënien e masës së sigurisë “arrest me burg” për personat që janë nën hetim.
Në një postim në rrjetet sociale, SPAK bën me dije se gjatë vitit 2024 ka kryer hetime ndaj 629 personave, ku 37.5% e tyre janë hetuar nën masën e sigurimit “arrest me burg”, 39.1% janë hetuar në gjendje të lirë dhe 23.4 % e të hetuar me masa të tjera sigurimi.
Duke iu referuar të dhënave nga Drejtoria e Burgjeve, SPAK shkruan se numri total i personave në paraburgim për vitin 2024 është 2791 persona, ku vetëm 9.7% e tyre janë të hetuar nga Prokuroria e Posaçme.
Reagimi i plotë:
Gjatë vitit 2024, Prokuroria e Posaçme ka kryer hetime ndaj 629 personave.
Prej tyre, vetëm 236 persona ose 37.5% janë hetuar nën masën e sigurimit “arrest me burg”, i parashikuar nga neni 238 i Kodit të Procedurës Penale.
246 persona ose 39.1% janë hetuar në gjendje të lirë.
147 persona ose 23.4 % të hetuar me masa të tjera sigurimi.
Raporti i të paraburgosurve:
Sipas Drejtorisë së Përgjithshme të Burgjeve, numri total i personave në paraburgim është 2791 për vitin 2024.
Nga totali prej 2791, numri i personave në paraburgim të hetuar nga SPAK është 270 persona ose 9.7%
