Një 52-vjeçar është arrestuar nga Policia e Elbasanit, pasi ditën e djeshme në fshatin Shijon përplasi me automjetin e tij një këmbësor.
Si pasojë e përplasjes, 68-vjeçari ka humbur jetën në spitalin e Elbasanit.
“Specialistët e Sektorit të Qarkullimit Rrugor arrestuan në flagrancë shtetasit:
-S. I., 52 vjeç, banues në Elbasan, pasi ditën e djeshme, në fshatin Shijon, duke drejtuar automjetin, ka përplasur shtetasin B. Rr., 68 vjeç, këmbësor, i cili për pasojë ka humbur jetën në spitalin e Elbasanit“, thuhet në njoftimin e policisë.
Materialet procedurale i kaluan Prokurorisë Elbasan, për veprime të mëtejshme.
