Gazetari Artan Hoxha, e cilëson të vonuar operacionin e SPAK në Durrës, ku në pranga ra edhe vëllai i një deputeti të PS, ndërsa hetimet janë zhvilluar falë SKY Ecc, përgjatë viteve 2019-2021.
I ftuar në emisionin Çim Peka Live në Syri Tv, Hoxha tha se operacione të tilla të forta servilen në media, në rastet kur ka zhvillime të forta politike po ashtu për të tërhequr vëmendjen.
Sipas Hoxhajt, Durrësi është një kënetë e krimit të organizuar, ashtu sikurse një rezervat i madh me vrasje ende të pazbuluara.
Për gazetarin, përveç hetimeve për vrasje në operacionin që u bë në Durrës, Hoxha theksoi se aty bëhet fjalë edhe për tjetërsim pronash, ndërsa solli në vëmendje atentatin me tritol ndaj gjyqtarit Skerdilajd Konomi, një vrasje ende e pazbardhur.
Hoxha theksoi gjithashtu se është e çuditshme, se si njerëz që mbështesin pushtetin, janë përfituesit më të mëdhenj në Durrës.
“Ka një grafik mënyra si punon SPAK, është grafik mujor. Ka një gjë, gjithmonë operacionet e forta bëhen kur ka lajme të forta politike. Kur ka zhvillime politike, vjen një dosje e hetim nga SPAK, për ngjarje që kanë ndodhur në epokën Sky, hetimet e rëndësishme përkojnë me ngjarje e zhvillime të asokohe, 2019-2021. Mund të ishte nisur më herët, për të dokumentuar ngjarje të tjera.
Durrësi është një kënetë e krimit të organizuar, është një rezervat i vrasjeve dhe ngjarjeve të pazbuluara. Sa kohë të jetë porti më i madh, i bën të rëndësishëm, e kanë kombinuar me elementë të rëndësishme. Janë marrë me pronat në zonat turistike, presione, tjetërsime, këtë radhë kanë bërë këtë lidhje.
Kanë futur pjesëtarë të administratës shtetërore, edhe familjarë të personazheve të rëndësishëm. Herën e kaluar ishte Çyrbja, këtë radhë ishte vëllai i deputetit. Personazhi që janë munduar të përfshijnë janë të njohur edhe me implikimin në fushatën zgjedhore, ku kryesisht ka gjasa që ka qëndruar në pushtet kjo qeveri.
Kanë gjetur kanalet e duhura, se nga fryn era. Përveç vrasjes, flitet për tjetërsim pronash. Ai gjyqtari Skerdilajd Konomi, i frikshëm atentati, vetëm me atë rast bëhej për 3500 ha. Nga Kepi i Rodonit në Qerret të Kavajës. I vunë pistoletën në kokë drejtori të hipotekës, pastaj u vodh prokuroria e Durrësit, Hipoteka, posta e hipotekës.
Ka shumë gjera që më lënë të kuptoj se goditja në Durrës duhet të ishte bërë më lart. Braçe shkoi në sallën e gjyqit, se mbrojti drejtorin e hipotekës që ishte arrestuar. E kishte arrestuar ai prokurori që sot është deputet i PD. Rama është i kujdesshëm, por për Durrësin ishte detyruar të dilte.
Kush është përfituesi atje, investitorët, njerëzit që kanë hedhur miliona euro, kush po investon në Surrës?! Aty është kaq e lidhur nga të gjitha anët, sa ka prevaluar aleanca e pushtetit dhe përfituesit që çuditërisht janë njerëzit që mbështesin pushtetin.”
