Këtë të enjte u zhvilluan disa ndeshje të xhiros së dytë në fazën e ligës në Conference League.
Skuadra shqiptare, Shkëndija pësoi disfatë 2-0 ndaj Rayo Vallecanos, në sfidën e luajtur në Spanjë. Golat u realizuan nga Lopez dhe Perez, në pjesën e parë.
Në Finlandë, barazim 1-1 i Dritës me Kups. Golit të Parzyszek iu përgjigj Dabiqaj, me këtë të fundit që i dhuroi një pikë shumë të rëndësishme skuadrës dardane.
Në Europa League, Roma u mund 0-1 nga Lille. Goli i vetëm i sfidës mban firmën e Haraldsson. Barazim 1-1 i Bolognas ndaj Freiburg, sakaq Betis triumfoi 0-2 ndaj Ludogorets.
