Ditën e sotme të gjithë futbolldashësit në botë do të kenë vëmendjen e tyre në Itali. Pikërisht mbasditen e sotme duke nisur nga ora 18:00, Milan dhe Inter do të përballen për të luajtur “Derby della Madonnina”.
Një sfidë mjaft interesante, e cila zhvillohet në kuadër të javës së 23-të të Serie A. Sfida e “San Siros”, pritet të jetë një spektakël i vërtetë si në fushë, ashtu edhe në tribuna.
Ndërkohë që favorit në këtë derbi shihet Inter, për shkak se renditet në vendin e dytë në tabelë me 50 pikë. Në krahun tjetër, Milan me 34 pikë mban vendin e 8-të dhe klubi kuqezi po kalon një moment tepër të vështirë.
Gjendja e Milanit
Pas disfatës në Zagreb, Milani nuk ka kohë për të reflektuar, pasi e pret derbi i tretë sezonal, i pari në “San Siro” si pritës. Trajneri Sergio Conceicao ka rikuperuar Calabria-n dhe ka për herë të parë në dispozicion Walker, por humbet Gabbia-n dhe Morata-n, i cili është në prag të largimit.
Formacioni i mundshëm i Milanit (4-3-3):
Portier: Maignan
Mbrojtja: Calabria/Waker, Tomori, Pavlovic, Theo Hernandez
Mesfusha: Reijnders, Musah, Bennacer
Sulmi: Pulisic, Abraham, Leao
Gjendja e Interit
Simone Inzaghi e ka grupin thuajse të plotë, me përjashtim të Correa-s dhe është në pritje të një zëvendësuesi për Buchanan. Acerbi mund ta nisë nga stoli derbin, ndërsa lajmi kryesor është rikthimi i Calhanoglu si titullar. Nëse turku nuk luan nga minuta e parë, atëherë ka një duel mes Asllanit dhe Zielinskit për atë rol. Ende nuk dihet nëse Taremi do të jetë i gatshëm të ulet të paktën në stol.
Formacioni i mundshëm i Interit (3-5-2):
Portier: Sommer
Mbrojtja: Pavard/Bisseck, De Vrij, Bastoni
Mesfusha: Dumfries, Barella, Calhanoglu (Asllani/Zielinski), Mkhitaryan, Dimarco
Sulmi: Lautaro, Thuram
