Itali- Një superoperacion i Karabinierëve të Komandës Provinciale të Catanzaro dhe ROS, me koordinimin e Zyrës së Prokurorisë Publike dhe Drejtorisë Antimafia, ka çmontuar një klan mafioz në bregdetin jonian të Kalabrisë, si dhe me shtrirje në rajonet e Lacio, Piemonte dhe Lombardia.
Të paktën 44 urdhër-arresti janë lëshuar nga hetuesit, prej të cilëve 15 masa me burg dhe 29 në tjera me arrest shtëpiak.
Mes të arrestuarve janë edhe kryetari i bashkisë Badolato, një bashki në zonën e Catanzaro, Giuseppe Nicola Parretta, zëvendësi i tij Ernesto Maria Menniti dhe presidenti i këshillit bashkiak Maicol Paparo.
“Akuzat janë për shoqatë e tipit mafioz (Ndrangheta), prokurimi i moszbatimit të dënimeve, trafikimi i armëve dhe krime të shumta kundër personit dhe pasurisë të rënduara për qëllime mafioze, si dhe shkëmbime elektorale mafioze-politike dhe shkelje të drogës. Procedurat për llojet e dyshuara të krimit janë aktualisht në fazën e hetimeve paraprake”, informon media e vendit fqinj.
Më tej theksohet se ka “indicie serioze ndaj të dyshuarve, në lidhje me krimet, të hipotezuara për arsye të ndryshme”. Por nuk jepen ende identitetet, rolet dhe kombësitë e të arrestuarve.
Hetuesit thanë se operacioni është në fillimin e hetimeve paraprake. Detaje te mëtejshme do të komunikojnë gjatë një konference për shtyp ditën e sotme, nga Prokuroria e Catanzaro.
