Familjarët e 12-vjeçarit Leo Sadiku nga fshati Pocestë i Maliqit, që ndërroi jetë në datën 8 janar nëQendrën Spitalore Universitare Nënë Tereza, kanë kallëzuar penalisht mjekët e QSUNT-së.
Ata akuzojnë mjekët e spitalit për neglizhencë, dhe mos trajtim siç duhet të djalit të tyre, duke i kosndieruar si përgjegjës për ndarjen nga jeta të tij.
Kallëzimi i familjarëve ka ardhur pas kallëzimit që ka bërë mjekja pediatre me inicialet J. B. ndaj nënës 44-vjeçare Roveta Sadiku të të miturit, ku e akuzon se e ka dhunuar, Ajo është vënë nën hetim për veprën penale “Goditje për shkak të detyrës”.
Nëna e Leo Sadikut, Roveta Sadiku ka përgenjështuar në një prononcim për mediat ka mohuar lajmet se ka ushtruar dhunë ndaj mjekes që ka trajtuar djalin e saj.
“Jam përballur me mjeken në QSUT, teksa kishim mbesën në spital. Kur e kam parë më janë errur sytë, dhe më është rikthyer e gjitha çfarë kishte ndodhur. I kam thënë se pse ma vrau djalin dhe i jam afruar. Aty me ka rënë të fikët. Ka pasur dëshmitar që nuk e kam dhunuar atë mjeke. Unë këtë çështje ia kam lënë drejtësisë dhe pres që për djalin tim 12-vjeçar, të bëhet drejtësi”, u shpreh ajo.
