Gazetarja Klodiana Lala, ka folur për kallëzimin në prokurori që ka depozituar pronari i MCN TV, Endri Meksi, për kërcënimin në ambientet e televizionit.
E ftuar në emisionin “Të Paekspozuarit” në MCN TV, Lala e ka quajtur shqetësuese heshtjen e institucioneve, duke bërë thirrje që pretendimet e Meksit të hetohen sa më parë.
“Meksi ka bërë një kallëzim penal në polici dhe më pas në Prokurori. Ka pretenduar për kërcenim të mundshëm ndaj tij në ambientet e televizionit, ku ushtrojnë aktivitetin gazetarë dhe profesionisë. Heshtja e institucioneve është shqetësuese. Duhet që institucionet e drejtësisë ta marrin seriozisht. Duhet reagim i shpejtë institutional, marrja në pyetje e personave, marrja dhe sekuestrimi i pamjeve, kqyrja e qelizave telefonike. Heshtja institucionale nuk duhet të jetë një opsion. Shpesh i relativizojmë rastet”,- është shprehur Lala ndër të tjera.
