Pasi SPAK pezulloi hetimin e Olsi Ramës për çështjen ‘Xibraka’, kreu i PD-së Sali Berisha ka komentuar paralajmërimin e kryeministrit Edi Rama se do të ngrejë padi ndaj kreut të Grupit të PD-së, Gazment Bardhi.
Berisha tha se SPAK nuk e ka hetuar Olsi Ramën, por ai theksoi se për vëllain e kryeministrit ka hetime të tjera.
“Historia e dëshmitarëve të rremë është historia e një tashmë e konsoliduar në disa raste. Rama mendon se do të montojë me dëshmitarë të rremë, një kallëzim të rremë, por kësaj herë është në qark sepse Olsi nuk është hetuar, nuk hetohej vetëm nga SPAK, por fatmirësisht ka hetime të tjera mbi të. Ndaj i thashë Ramës që do të kesh lajme”, tha Berisha.
