Kreu i PD-së, Sali Berisha, gjatë një konference me gazetarët, ka deklaruar se do të votojnë çdo ndryshim që kërkohet në Kodin Zgjedhor për të lehtësuar votimin e emigrantëve në zgjedhjet parlamentare të 11 Majit. Ai konfirmoi se për këtë gjë janë në negociata me socialistët, ku iu duhet të bashkojnë votat në Kuvend për ta realizuar.
I pyetur nëse në këto negociata do të vendosin si kusht edhe rikthimin e koalicionevfe parazgjedhore, Berisha deklaroi se i kanë dh♪7në përparësi absolute votën së diasporës, dhe nuk mund ta vendosin si kusht.
Pyetja: PS beson që duhen lëvizur afatet në Kodin Zgjedhor për të garantuar që vota e Diasporës të realizohet në 11 maj. Nuk e bën dot pa mbështetjen tuaj. E voton PD një ndryshim të Kodit për të afruar afatet për votën e diasporës.
Sali Berisha: Di që janë në negociata. Di që po zhvillohen negociata. Kemi shpallur publikisht se kërkesat e arsyeshme që shkojnë në favor të transparencës dhe mundësisë së votës së diasporës do miratohen nga ne, qoftë edhe në rast se do duhen ndryshime të tjera ligjore. Ne e kemi shprehur në cilin stad se janë këto ditë dhe po negociojnë.
Pyetja: Përsa kohë për ndryshimet në Kodin elektoral duhen votat e opozitës, do të tentoni ju që të ktheni koalicionet parazgjedhore, pra të kërkoni nga PS që të shtrohet dhe kjo çështje në diskutim.
Sali Berisha: Çështja e mohimit të koalicioneve parazgjedhore është denoncuar fuqishëm në rezolutat ndërkombëtare si një problem me të cilin Edi Rama ka dashur të dëmtojë me çdo kusht opozitën. Sigurisht ne do e kërkojmë dhe e kemi kërkuar dhe insistojmë se ajo është një shkelje e rëndë për partitë opozitare. Ndoshta partitë e mëdha më pak, por partitë e tjera i dëmton qartësisht.
Pyetja: Mund ta vendosni si kusht nëqoftëse do të hapet çështja e ndryshimeve të kodit elektoral.
Sali Berisha: Do rishqyrtohet, por nuk mund të them se do vendoset si kusht sepse ne i kemi dhënë përparësi absolute votën së diasporës, të cilën nuk e ka dashur Edi Rama, por merita e eksponentëve të diasporës që e çuan në Gjykatë Kushtetuese dhe e qëndrimeve tona. Ajo votë të paktën është sanksionuar në ligj. Ne jemi të vendosur të bëjmë çdo përpjekje për t’i shërbyer mundësimit të transparencës së saj.
