Këshilli i Ministrave ka miratuar ditën e sotme një vendim të rëndësishëm lidhur me përcaktimin e rregullave dhe kritereve për dhënien e shpërblimit për punonjësit e Policisë së Shtetit.
Ministri i Brendshëm, Ervin Hoxha, në konferencës për mediat pas mbledhjes së Qeverisë, ka theksuar se shpërblimi për punonjësit e Policisë do të unifikohet
“Sot Këshilla i Ministrave ka miratuar një akt shumë të rëndësishëm në lidhje me shpërblimin e punonjësve të policisë. Në gusht të vitit 2024 ligji i ri i Policisë së Shtetit miratoi të gjithë veprimtarinë, rregullimin, organizimin, për dhënien e shpërblimit të Policisë së Shtetit. Jemi në një risi dhe në një dhënie të vijueshme për policinë. Shumë shpejt gjithë aktivitetin e organizimit dhe dhënies së këtyre shpërblimeve do unifikohet. Qeveria e përcakton shumë shprehimisht vullnetin e saj për misionin e rëndësishëm të Policisë së Shtetit, roli i të cilës është shumë kyç dhe motivimi do të jetë prioritet i qeverisë shqiptare.”, tha ministri.
Kujtojmë se në mbledhjen e fundit të Qeverisë për vitin 2025 u mor vendimi që çdo punonjës i Policisë së Shtetit i rolit zbatues do të përfitonte një shpërblim prej 10 mijë lekësh të reja.
