Autoritetet kineze dënuan sot me burgim të përjetshëm një adoleshent për vrasjen e shokut të klasës. Rasti tronditi vendin dhe hapi debate për krimin e të rinjve. Tre të dyshuar, të gjithë nën moshën 14 vjeç në kohën e krimit, u akuzuan në prill se kishin ngacmuar shokun e tyre të klasës, një djalë 13-vjeçar të quajtur Wang, për një periudhë të gjatë përpara se ta vrisnin me lopatë dhe ta varrosnin trupin e tij në një serë e braktisur.
Detajet e krimit dhe veçanërisht organizimi nga adoleshentët bënë bujë dhe hapi debatin për reagimin gjyqësor ndaj krimit të të rinjve. Gjykata në provincën Hebei të Kinës veriore njoftoi se një nga adoleshentët, i quajtur Zhang , u shpall fajtor për vrasje dhe u dënua me burgim të përjetshëm.
Bashkëpunëtori i tij, i quajtur Lee, u dënua me 12 vjet burg. Adoleshenti i tretë u shpall i pafajshëm penalisht sepse u konsiderua se kishte pasur një përfshirje të kufizuar në vrasje. Në vitin 2021, Kina kishte miratuar uljen e moshës së imputimit penal nga 14 në 12 vjeç për “raste të veçanta”, siç janë vrasjet e kryera me mjete “jashtëzakonisht brutale”. Megjithatë, ai vazhdoi t’i përjashtonte ata nga dënimi me vdekje .
Në kohën e krimit, media shtetërore kishte raportuar se të katër adoleshentët ishin fëmijë të punëtorëve emigrantë, të cilët e kalojnë pjesën më të madhe të kohës në qytete të mëdha, duke lënë gjyshërit dhe të afërmit e tjerë të kujdesen për fëmijët e tyre.Ky rast është ndër të parët në të cilin gjykata aplikoi uljen e kufirit të moshës.
Sipas ligjit kinez, vrasja dënohet me burgim ose me vdekje. Organizata joqeveritare Amnesty International e konsideron të “sigurt” se Kina është vendi që ekzekuton më shumë të dënuar çdo vit, më shumë se Irani dhe Arabia Saudite
