Kandidimi i Edi Ramës si deputet në Qarkun e Shkodrës për zgjedhjet parlamentare të 11 Majit 2025, duket është më shumë se sa një ide.
Gjatë konferencës së fundvitit me gazetarët, Rama kur u pyet se në cilin qark do të kandidojë në zgjedhje u përgjigj se kishte një thirrje gjaku që të kandidonte në Shkodër, duke përforcuar zërat që qarkullojnë prej kohësh.
“S’kanë asnjë relevancë këto. Unë jam praktikisht deputet i gjithë Shqipërisë, në një kuptim, kështu që kush zgjedh PS zgjedh edhe emrin tim aty në një kuptim. Kështu që detyrimi është për të gjithë, pastaj në Vlorë, edhe në Durrës, është shtuar edhe thirrja e gjakut, kam edhe një thirrje nga Shkodra, por nuk e di. Sinqerisht nuk e di.”, deklaroi Rama.
E duket se Rama ka kohë që e ka vendosur se do të kandidojë në Shkodër, pavarësisht se nuk e ka deklaruar zyrtarisht,
Që në datën 8 shtator, Top Channel ka publikuar një lajm duke iu referuar gazetarit pranë Qeverisë, Muhamed Veliu se ky i fundit kishte mësuar se vetë Rama mes një rrethi te ngushtë bashkëpunëtorësh kishte shprehur dëshirën për të qenë i pari në listën e kandidatëve për deputetë në qytetin e Shkodrës.
Ndërkohë, një ditë më pas, më 9 shtator, ishte analisti pranë Ramës, Lorenc Vangjeli, i cili gjatë një emisioni televiziv deklaroi se e shihte kryeministrin si kandidat për deputet në Qarkun e Shkodrës, e duket se kjo nuk ishte as një dëshirë dhe as ide e tij.
“Shkodra ka qenë basti i madh i tij. Shkodra ka qenë si një grua për të dyja palët. PD-ja e mendonte si një grua që e kishte në shtrat dhe çfarë do që t’i bënte, ta dhunonte, ta mbante mbyllur, ajo nuk do të largohej nga shtëpia. Ndërkohë, PS-ja e shihte si një bukuroshe, tek e cila nuk kishte asnjë shans. Megjithatë, iu afrua, e mori. Nëse Rama do të kishte mundësi, do ta merrte në krah Lungomaren e Vlorës dhe do ta çonte në Shkodër. Do të thoshte: Erdha dhe ua solla. E shoh Ramën në Shkodër, pasi është një nga qarqet që përcakton ngjyrën e qeverisjes. Tirana, Shkodra, Vlora, Elbasani dhe Durrësi, kushtëzojnë edhe ngjyrën e qeverisjes. Sa kohë që Rama thotë, unë do të hidhem në këtë lumë dhe të gjithë të tjerët do të hidhen pas meje.”, tha Vangjeli.
Qarku i Shkodrës është konsideruar gjithmonë si një bastion i Partisë Demokratike, por vitet e fundit duket se situta ka ndryshuar për një sërë faktorësh, duke përfshirë edhe ndikimin e krimit.
Në zgjedhjet e vitit 2021, PD arriti të merrte 5 mandate, teksa 3 mandate shkuan për PS-në, 2 për PSD-në e Tom Doshit dhe 1 për ish LSI-në.
Ndërkohë, në zgjedhjet lokale të vitit 2023, Partia Socialiste fitoi për herë të parë Bashkinë e Shkodrës me Benet Becin, teksa opozita akuzoi për blerje votash dhe shantazhe ndaj votuesve. Para zgjedhjeve lokale, Rama mori në “strehën” e tij edhe deputetin e LSI-së, biznesmenin Agron Çela,
Shkodrës në vitet e fundit është konsideruar si një qytet që sundohet nga grupi kriminal i “Bajrave”, të cilët njihet për mbështetjen që kanë nga socialistët, teksa PD ka publikuar pamjet se si ata ditën e zgjedhjeve qarkullonin me makina të blinduara.
E duket se fuqizimi i Bajrave dhe i Tom Doshit në vitet e fundit në Shkodlër duket se kanë sjellë një rënie të elektoratit të PD-së dhe shtimit të votave për Qeverinë socialiste.
E nëse kandidon në Shkodër, duket se Rama do të përdorë çdo mjet dhe mënyrë për të rritur votat, duke përdorur edhe “aleancën e qelbësirave” të ashtuquajtur nlë vitin 2013, e cila dukej se ishte një alenacë me krimin.
Gjithsesi, mbetet për t’u parë nëse socialistët pasi “thyen” mitin për Bashkinë, do arrijnë t’a mundin PD-në edhe më numër deputesh në Shkodër me vetë Edi Ramën në krye.
/Boldnews.al
