Mbyllja e TikTok nuk i heq as thikat nga shkollat dhe as agresivitetin tek fëmijët, por Edi Rama duket se kësaj platforme ia ka “faturuar” dështimin e sigurisë në sistemin arsimor.
Së fundmi, kreu i Qeverisë i është përgjigjur TikTok-ut, e cila bëri me dije se as autori dhe as viktima, në vrasjen tek shkolla “Fan Noli” nuk kishin llogari në platformën e saj.
Përmes një postimi në rrjetet sociale, Rama mbylljen e TIkTok thotë se e ka marrë në emër të “popullit”, duke përmendur disa herë në reagimin e tij se këtë gjë e kanë dashur 90 % të prindërve, edhe pse shumica e kanë konsideruar si një akt censure, duke marrë parasysh faktin se do mbyllet vetëm për 1 vit dhe në prag zgjedhjesh.
Rama shton më tej se Shqipëria nuk ka pse i jap sqarime TikTok-ut, duke shtuar se kët akt e ka ndërmarrë për të mbrojtur fëmojet.
Reagimi i plotë:
“Ndalimi i TikTokut për (të paktën) një vit në Shqipëri, nuk është një reagim i nxituar ndaj thjesht një ngjarjeje, por një vendim i këshilluar gjerësisht me komunitetet e prindërve në shkollat e gjithë Shqipërisë. TikToku nuk ka çfarë sqarimesh kërkon nga Shqipëria, sepse në Shqipëri vendosin shqiptarët jo pronarët e algoritmit të TikTokut.
Ndërsa Shqipëria është shumë e vogël për t’i kërkuar TikTokut të mbrojë fëmijët dhe rininë nga humnerat e frikshme të algoritmit të tij, por uron që TikToku ta bëjë këtë për të mirën e të gjithë njerëzimit, përfshirë edhe Shqipërinë.
Të thuash se vrasja e nxënësit adoleshent s’ka lidhje me TikTokun, sepse konflikti nuk qenka gjeneruar nga Tik Toku do të thotë të mos kesh kuptuar as seriozitetin e kërcënimit që ajo plaftormë ka sjellë për fëmijët dhe rininë e kësaj kohe, as fillin e arsyetimit të vendimit tonë për të marrë përgjegjësinë e reagimit ndaj atij kërcënimi.
Fortlumturisht Shqipëria është një vend demokratik, ku kur mbi 90% e prindërve kërkojnë ndalimin e TikTokut dhe kur shumica dërmuese beson se shëndeti i fëmijëve tanë nuk mund t’i shërbejë platformës, po platforma duhet t’i shërbejë shëndetit të fëmijëve tanë, atëherë vendimi ynë nuk ka se si të jetë më i qartë: Ose vetë TikToku duhet t’i mbrojë fëmijët e Shqipërisë ose Shqipëria do t’i mbrojë fëmijët e vet nga TikToku”
