Gjatë konferncës së hapjes së grup-kapitujve për anëtarësimin e Shqipërisë në Bashkimin Europian, ministri i Jashtëm i Hungarisë, Péter Szijjártó tha se nën presidencën hungareze është arritur që të përshpejtohet procesi i zgjerimit të BE me Ballkanin Perëndimor.
Ai tha se duam që vendet e Ballkanit Perëndimor të jenë pjesë e BE dhe se vendi ynë duhet të ecë para.
“Procesi ishte i shtyrë në mënyrë konstante dhe kjo ishte bllokim për rreth 15 vite ku nuk kemi parë as marrje masash as hapa para të rëndësishëm drejt zgjerimit.
Ndaj duam që vendet e Ballkanit Perëndimor të jenë pjesë e jona.
Në 6 muajt e fundit kemi vendosur çdo përpjekje për të përshpejtuar procesin për Shqipërinë që në 2009 Shqipëria ka paraqitur kërkesën për akses, në 12014 mori statusin kandidat.
Në 2 muaj kemi pasur 2 konferenca ndërqeveritare, janë hapur dy grupkapituj dhe kjo shpejtësi është e paprecedentë. Kanë ndodhur në 2 muaj më shumë se çfarë ka ndodhur në 15 vite.
Shqipëria ka treguar progres të shkëlqyer për 6 kapitujt që do të jenë në këtë grupkapitull,. Ndaj dhe po e hapim sot që Shqipëria të ecë para, pasi është vend i NATO-s dhe pjesë e Këshillat të Sigurimit. Ky grupkapitull është i rëndësishëm.
Është interesi ynë i përbashkët që Shqipëria të ketë sukses në integrim. Anëtarësimi i Shqipërisë do të forconte BE-në, duke parë progresin ekonomik që vendi ballkanik ka bërë. Kompanitë hungareze janë pjesë e tregut shqiptar”, tha ai.
