Në një kohë kur qeveria ka nisur një konsultim të gjerë publik për ndikimin e rrjeteve sociale në sigurinë në shkolla, ekspertët ngrenë një tjetër alarm lidhur me jetën e adoleshentëve, uljen ndjeshëm të moshës së konsumimit të alkoolit dhe drogës.
“Është e vërtetë që është problematikë tek adoleshentët, dhe ajo që vëmë re është ulur mosha e eksperimentimit, si për alkoolin edhe për drogën. Por përsëri janë raste të izoluara, nuk mund ta konsideroj si fenomen, pra kur themi është ulur mosha jemi tek mosha 14,15-vjeç raste të izoluara si pasojë e një feste, apo rasti që tenton për një hap më të madh.”
Sipas bluzave të bardha çdo javë paraqiten të mitur në urgjencën e Qsut në shërbimin e Toksikologjisë për trajtim mjekësor, si pasojë e konsumimit të drogave apo alkoolit.
“Rastet mund të jenë javore, por më shumë janë në fundjavë. Ka raste edhe ditore, rastet e urgjencës mund të jenë 2-3 variojnë në ditë ose në dy apo tre ditë.”
Fillimi i alkoolit apo substancave narkotike në një moshë kaq të re, sipas specialistëve, krijon një tjetër shqetësim, atë që lidhet me shëndetin mendor të këtyre fëmijëve. Shenjat janë të dukshme thonë mjeket nga agresiviteti, luhatja e humorit, ankthit apo deri te forma më e rënd si depresioni.
“Ka një trend rritje të adoleshentëve të cilët paraqiten për vështirësitë e shëndetit mendor dhe në veçanti të përdorimit dhe abuzimit me substancat. Kryesishtë vihen re moshat e adoleshentëve duke filluar që nga 13-14 vjeç e në vazhdim. Në varësi të moshës shohim një lloj ndarje të substancave që ata përdorin. Shohim Vape, nikotinën, duhanin në moshat më të herëshme dhe me kalimin e kohës shohim përdorimin e marjuanës dhe konsumimin e alkoolit. Vëmë re edhe në përditshmëri të adoleshentit që mund të jenë me vështirësi të gjumit, të ushqyerjes, tendencë nervozizmi, vështirësi për tu përqendruar, për të mbajtur mend në shkollë, edhe më tej në probleme më serioze si të ankthit apo humorit.”
“Kam provuar Vape edhe cigare”, ky është një rast konkretë, ku një 14 vjeçarë në kryeqytet tregon për Abc Neës se ka konsumuar cigare elektronike, e cila në përbërje të saj përmbanë lëndë toksike.
“Jam 14 vjeç. Ishte një gjë ndryshe nga çfarë kisha provuar herë tjera, nga fillimi u ndjeva ndryshe dhe fillova ta provoja dhe krijova varësi. Kur kam provuar për herë të parë kam qenë 12 vjeç e kam aplikuar për një vit, pastaj e lashë”.
Ekspertët e nënvizojnë edhe faktin se shumë adoleshentë bien pre e konsumimit të drograve apo alkoolit, pasi ndihen të detyruart, për t’i shëptuar bullizimit nga bashkmoshatrët e tyre përdorues. Për këtë sipas specialistëve vëmendjen maksimale duhet ta kenë perindërit, që të jenë vigjilentë ndaj fëmijëve të tyre, për ti mbajtur larg këtyre veseve të rrezikëshme./abcnews
