Ajola Xoxa, bashkëshortja e kryebashkiakut të Tiranës, Erion Veliaj ka depozituar një padi në gjykatë, ku përmes saj kundërshton veprimet e SPAK dhe GJKKO, në lidhje me kontrollin e ushtruar mëngjesin e të premtes së kaluar në zyrat e fondacionit “Harabel”.
Avokati mbrojtës i saj dorëzoi ankimin në Apelin e Posaçëm, ndërkohë mësohet se ankimim ka bërë edhe vëllai i Erion Veliajt, Arbër Veliaj, për kontrollin e ushtruar nga agjentët e BKH-së në banesën e tij.
Të dy avokatët pretendojnë që kontrollet janë bërë në shkelje të ligjit procedurial për mungesë shkaku të ligjshëm.
Kreu i Bashkisë së Tiranës, Erion Veliaj, dy ditë më parë në një reagim mbi hetimet e SPAK ndaj tij theksoi se agjentët e BKH-së kishin trokitur në derën e banesës së tij pa një vendim gjyqësor.
Kontrollet u ushtruan në bazë të një hetimi pasuror nga SPAK ndaj kryebashkiakut të Tiranës, Erion Veliaj dhe familjarëve të tij, teksa Ajola Xoxës iu sekuestrua edhe telefoni.
