Opozita do të mbajë sot protestën e radhës kombëtare, të thirrur nga kreu i PD-së Sali Berisha, e cila do të jetë e përqëndruar vetëm në Tiranë ku do të ketë bllokim të 5 akseve kryesore në kryeqytet.
do të bllokohet rruga pranë Bashkisë së Tiranës, ku do të jenë deputetët Edi Paloka, Dhurata Çupi, Lodovik Hasani, Tritan Shehu, Ina Zhupa bashkë me mbështetësit e degëve 7, 9, 10 dhe 14.
Gjithashtu, do të bllokohet edhe rreth-rrotullimi tek “Zogu i Zi”, tek sheshi “Wilson”, tek “Pallati me Shigjeta”, si dhe kryqëzimi tek “Rruga e Elbasanit”, pranë xhamisë së “Namazgjasë”.
Në secilin prej akseve të bllokuara, demokratët do të udhëhiqen nga deputetët dhe kryetarët e degëve të shpërndarë nga kreu i PD-së, Sali Berisha.
Sipas kërkesës së dorëzuar në Policinë e Tiranës, protesta pritet të nisë në orën 17:00 dhe pritet të përfundojë në orën 20:00. Por ndërkohë blutë e kryeqytetit i kanë kthyer përgjigje negative Partisë Demokratike me arsyetimin se bllokimi i rrugëve është vepër penale dhe se organizatorët do të mbajnë përgjegjësi.
“Në zbatim të germës “a” të nenit 6 të ligjit nr. 8773, datë 23.04.2001, “Për Tubimet”, Drejtoria Vendore e Policisë Tiranë i ka kthyer përgjigje subjektit politik se organizimi i tubimeve në disa segmente rrugore në bashkinë Tiranë krijon probleme dhe premisa për cenime të rendit publik dhe sigurisë së shtetasve të tjerë, pengon qarkullimin e automjeteve të emergjencës, cenon të drejtat dhe liritë themelore për lëvizjen e lirë të shtetasve, si dhe pengon lëvizjen e lirë të automjeteve të transportit publik dhe privat.
Gjithashtu, Drejtoria Vendore e Policisë Tiranë ka bërë me dije Sekretarin Organizativ të Partisë Demokratike se bllokimi i rrugëve është vepër penale dhe se për veprime në kundërshtim me ligjin, organizatori, drejtuesi i tubimit dhe pjesëmarrësit në tubim, do të mbajnë përgjegjësi administrative dhe penale, në zbatim të germës a, të nenit 24 të ligjit nr.8773, datë 23.04.2001 “Për Tubimet” dhe nenit 293 të Kodit Penal të Republikës së Shqipërisë.
Policia e Shtetit garanton të drejtën për tubim, të drejtat dhe liritë e pjesëmarrësve në tubime, por pa cenuar lëvizjen e lirë të qytetarëve dhe të automjeteve. Për të ndihmuar qytetarët që do të qarkullojnë në akset rrugore të mësipërme, Policia e Shtetit ka ndërmarrë masa që në rast bllokimi, të devijojë qarkullimin e automjeteve në rrugë alternative.” – thuhet në njoftimin e Policisë së Tiranës.
Akset që do të bllokohen:
1-BASHKIA E TIRANËS
Deget 7, 9, 10 dhe 14
Deputete: Edi Paloka, Dhurata Cupi, Lodovik Hasani, Tritan Shehu, Ina Zhupa
2-RRETH RROTULLIMI ZOGU I ZI
Deget 11, Kamez, Vore, Durres, Kavaje, Rrogozhine, Kukes
Deputete: Oerd Bylykbashi, Albana Vokshi, Jozefina Topalli, Ferdinand Xhaferri, Andia Ulliri, Petrit Doda, Flamur Hoxha, Isuf Cela, Asllan Dogjani
3-RRUGA E ELBASANIT, URA TE XHAMIA
Deget 1, 2, 3, 4, Qarku Diber, Qarku Elbasan, Qarku Korce
Deputete: Flamur Noka, Jorida Tabaku, Tomorr Alizoti, Xhelal Mziu, Kreshnik Collaku, Edmond Spaho, Sorina Koti, Andrea Mano, Qani Xhafa, Zheni Gjergji, Dashnor Sula,
4-SHESHI “WILSON”
Deget 5, 12, Qarku Fier, Berat, Vlore
Deputetet: Gazmend Bardhi, Bujar Leskaj Luan Baci, Bledion Nallbati, Lefter Geshtenja, Ilda Dhori, Eralda Bano, Saimir Korreshi,
5-“PALLATI ME SHIGJETA”
Deget 6, 13, 15, 16 Qarku Lezhe, Qarku Shkoder
Deputete: Agron Gjekmarkaj, Elda Hoti, Kastriot Piroli, Lindita Metaliaj, Helidon Bushati, Emilia Koliqi, Ramadan Lika, Greta Bardeli
