Prokurori i posaçëm Jack Smith ka bërë të ditur se do të japë dorëheqjen përpara se presidenti i sapozgjedhur Donald Trump të marrë detyrën dhe ta shkarkojë atë. Trump ka kërcënuar të pushojë Smithin, por Smith pret që të largohet përpara se Trump të marrë detyrën.
Bisedimet midis Smith dhe drejtuesve të Departamentit të Drejtësisë pritet të marrin në shqyrtim çështjet penale të Trump, pyetjet se çfarë duhet bërë me të pandehurit e tjerë në rastin e dokumenteve të klasifikuara, si dhe me zyrën e prokurorit special dhe çfarë ndodh me buxhetin dhe stafin e saj.
Smith është marrë edhe me hetimin e ish Presidentit të Kosovës, Hashim Thaçi. Trump dhe aleatët e tij kanë kërcënuar vazhdimisht se do të pushojnë dhe ndjekin penalisht ekipin e Smith. Në tetor, presidenti i zgjedhur tha se do të përdorte fuqitë presidenciale për t’i dhënë fund hetimit të Smith dhe premtoi se do ta pushonte Smithin “brenda dy sekondave”.
