Një 19-vjeçar është arrestuar nga Policia në Lezhë, pasi një kontrolli të zhvilluar në makinën që ai po lëvizte, iu gjet një sasi kanabisi e ndarë në doza.
Lënda narkotike e cila dyshohet se posedohej me qëllim shitjen, u gjet nën sediljen ku ishte ulur i riu Samuel Krosi, thuhet në njoftimin e policisë.
Uniformat blu sekuestruan kokainën dhe makinën tip ‘Golf’ që po lëviznin të rinjtë.
“Gjatë kontrolleve të kryera 24/7, nga Forca e Posaçme “Shqiponja” e DVP Lezhë, me qëllim parandalimin, evidentimin dhe goditjen e paligjshmërive, si dhe për garantimin e rendit dhe sigurisë publike, në lagjen “SMT”, është ndaluar automjeti tip “Golf”, i cili drejtohej nga shtetasi K. B., 22 vjeç dhe kishte pasagjerë shtetasit S. K., 19 vjeç, K. B., 22 vjeç dhe S. Sh., 23 vjeç, të katërt banues në Mamurras“, informoi sot policia.
Materialet procedurale i kaluan Prokurorisë Lezhë, për veprime të mëtejshme, për veprën penale “Prodhimi dhe shitja e narkotikëve”.
