Autoritet policore në Spanjë kanë sekuestruar një sasi rekord lëndësh narkotike prej 13 ton kokainë në portin jugor spanjoll të Algeciras.
Transporti, i zbuluar më 14 tetor, thyen rekordin e mëparshëm prej 9.4 ton kokainë që ishte gjetur në 2023 në portin e i Algeciras, i cili është porti i katërt më i madh i kontejnerëve në Evropë.
Kokaine ishte nisur që nga Ekuadori përmes një kontejneri me banane, teksa sipas autoriteve, një sasi e tillë nuk ishte e destinuar vetëm për tregun spanjoll.
“Është e qartë se këto 13 tonë kokainë nuk ishin të destinuara vetëm për tregun spanjoll. Tregu spanjoll nuk mund të thithë një sasi kaq të madhe menjëherë. Kjo drogë do të shpërndahej në të gjithë Evropën”, u tha gazetarëve Antonio Jesus Martines, kreu i Brigadës Qendrore të Prokurorisë së Narkotikëve të Policisë Kombëtare.
Policia spanjolle ishte në gatishmëri kur u njoftua nga homologët e tyre në Ekuador, eksportuesi më i madh i bananeve në botë, se një dërgesë e dyshimtë ishte rrugës.
Martinez tha se një grua, partnere e kompanisë që mori dërgesën, ishte arrestuar, ndërsa dy menaxherët e kompanisë importuese ishin arratisur dhe janë shpallur në kërkim.
Interceptado en #Algeciras el mayor alijo en la historia del narcotráfico en #España
Se ha contado con la cooperación de la @PoliciaEcuador y supone, además, la segunda mayor incautación en #Europa en un solo contenedor así como una de las mayores a nivel mundial
— Policía Nacional (@policia) November 6, 2024
