Kolegji i Posaçëm i Apelimit, KPA vendosi të enjten më 31 tetor lënien në fuqi të shkarkimit nga detyra të prokurorit të Elbasanit, Hektor Mushi. Vendimi u mor në mënyrë unanime nga trupa e KPA e kryesuar nga Natasha Mulaj, me relatore Mimoza Tasin dhe anëtarë Ina Rama, Rezarta Schuetz e Sokol Çomo, pas shqyrtimit në dhomë këshillimi të ankimit të Mushit kundër vendimarrjes së Komisionit të Pavarur të Kualifikimit, KPK.
Mushi u shkarkua nga detyra më 15 dhjetor të vitit 2023, pasi u konstatuan probleme në të tre kriteret, atë të pasurisë, pastërtisë së figurës dhe profesionalizmit.
Hektor Mushi punoi fillimisht si oficer i policisë gjyqësore dhe në vitin 1995 u emërua si prokuror në Elbasan. Në vijim ai u transferua në Pogradec dhe në 2007-ën u rikthye në Elbasan ku dhe e ushtroi detyrën deri në momentin e shkarkimit.
