Analisti Genc Burimi, ka deklaruar se mënyra se si presidenti i Partisë së Lirisë, Ilir Meta, u arrestua gjatë ditës së djeshme është shokuese dhe bie ndesh me politikat e perëndimit, duke na lënë një shije frustrimi, shije padrejtësie që kjo drejtësi do e pagujë shumë shtrenjtë më vonë.
“Të njëjtën gjë bënë dhe me Malltezin, përse këto lloj skenash? Pata një bisedë dje me këta mbështetësit e regjimit edhe tha që ky ishte urdhëri , po përse nuk u zbatua një urdhër i tillë edhe për Leftër Kokën apo Saimir Tahirin”- u shpreh analisti në Syri TV.
Deklarata e plotë:
Është tepër shokuese mënyra e arrestimit të tij me një kontrast të jashtëzakonshmë me praktikat që ka në perëndim.
Është kthyer në Shqipëri kjo drejtësi në një drejtësi sherife, që tregohet e fortë me të dobëtit sepse të arrestosh sot Metën, Berishën apo Malltezin është e kollajshme.
Të thuash që drejtësia vonon, po nuk harron, është e kollajshme, por ti sot po lë të lirë të bëjnë kërdinë dy kryministrat, njëri i Shqipërisë e tjetri i Tiranës, të cilët jo vetëm nuk janë të hapur në këtë mënyrë, po ai i Shqipërisë as nuk është thirrur.
Dhe kjo të lë një shije frustrimi, një shije padrejtësie që kjo drejtësi do e pagujë shumë shtrenjt më vonë, sepse hakmarrja e brendshme e njerëzve do të jetë e pakufijshme.
Sot ke 40% ose më shumë që votojnë për opozitën, 40% të shqiptarëve janë të shokuar nga kjo ngjarje, si mundet drejtësia të funksionojë duke lënë të frustruar gati gjysmën e elektoratit sot për sot dhe jam shumë i shqetësuar.
Kjo drejtësi vonoj të instalohej, patëm 3 vite pa Gjykata në vend dhe pasi lindi në mënyrë të vështirë arritëm në këtë SPAK që shohim sot, në këto skena kaubojsish sikur Meta të ishte Escobari në Kolumbi apo pjesë e atyre bandave të Meksikës,
Të njëjtën gjë bënë dhe me Malltezin, përse këto lloj skenash? Pata një bisedë dje me këta mbështetësit e regjimit edhe tha që ky ishte urdhëri , po përse nuk u zbatua një urdhër i tillë edhe për Leftër Kokën, për Saimir Tahirin.
Pra sot ka një ide të qartë të kësaj drejtësie e cila projekton pushtetin e Ramës, sepse kjo qeveri e di fare mirë se po erdhi në pushtet opozita do të referojë drejtësinë.
