Gazetari Elkier Bushkolaj thotë se çështjet e Ilir Metës janë bashkuar në një, ndërkohë që për një dosje të jashtëzakonshme korruptive si inceneratori, ato po hetohen të veçuara, pavarësisht se përfituesit fundorë janë po të njëjtat emrat që marrin të tërë tenderat’.
Duke u ndalur edhe te pjesë të tjera të dosjes, gazetari theksoi se ‘nuk beson se një forcë politike që kishte pakicën në qeveri mund ta merrte përsipër ndikimin për të kaluar një ligj të tillë’.
“Çështjet e Metës janë bashkuar në një, ndërkohë që për një dosje të jashtëzakonshme korruptive si inceneratori, ato po hetohen të veçuara, pavarësisht se përfituesit fundorë janë po të njëjtat emrat që marrin të tërë tenderat. Pra në rastin e zotit Meta janë bashkuar të gjitha dosjet në një, ndërkohë që dosja e inceneratorëve, që do duhej të ishte në një është ndarë në disa fraksione, për arsyen që përfituesit fundorë të mos dalin asnjëherë përpara drejtësisë.
Për të gjitha këto episode korruptive që po flasim, pjesa më e madhe konsumohet në kohën kur LSI ishte në pushtet me PS. Pra nëse do ndjekim një logjikë për ministrat që janë thirrur.
Nuk besoj se një forcë politike që kishte pakicën në qeveri mund ta merrte përsipër ndikimin për të kaluar një ligj të tillë. A janë thirrur të gjithë ministrat e linjës si në rastin e dosjes ‘Partizani’?
Kjo të lë dyshime për çedimin e punës së SPAK në raport, për të mos folur për pretendimet e zonjës Kryemadhi.”- tha gazetari në “Task Force” në Syri TV.
