Kryetar i Lëvizja Bashkë, Arlind Qori, ka komentuar aksionin e opozitës të cilin e quajnë “mosbindje civile”, por si pas tij, është një përpjekje për të fshehur “impotencën politike” përmes akteve të dhunës.
I ftuar në emisionin “Të Paekspozuarit” në MCN TV, Qori tha se opozita nuk ka autoritet moral dhe se të dyja forcat kryesore janë të degraduara.
“Kemi opozitë parlamentare, PD dhe Parti e Lirisë dhe opozitë jashtë parlamentare ku bën pjesë edhe Lëvizja Bashkë. PD-ja nuk ka asnjë rrugë tjetër përveçse të bëjë këtë që bën. Ata janë parti pa autoritet moral në shoqëri. Kur njerëzit mendojnë se janë hajdutë si Rama, atëherë duan të imponojnë këtë konfliktualitet.
As dhunën dhe as anti-dhunën nuk mund të fetishizojmë. Përdorimi i dhunës varet nga autoriteti moral i ayre që e kryejnë. Ka shumë rëndësi reagimi i shoqërisë, të thotë bravo apo çfarë po bëni kështu. Kur deputeët e PD dogjën karriket, shumica e komenteve në rrjetet sociale është pse bëni dhunë. Dhuna është tentativë e dëshpëruar e PD për të fshehur impotencën politike. Impotenca politike të çon në këtë lloj strategjie.
Mosbindje civile do të thotë të kesh 50 mijë njerëz që rrethojnë parlamentin dhe rrinë. E detyron ti policinë të të marrë zvarrë. Kam ide tjetër, kur u bë protesta e PD, pse i ranë selisë së PS-së? Më duket sikur duan të shtrëngojnë rradhët e njëri tjetrit. Duke i rënë selisë së PS, i bëjnë nder njëri tjetrit. Ku ka më mirë ta çosh konfliktualitetin deri te partia.
Cilido qoftë qëllimi, efekti nuk është forcimi i përpjekjes kundër qeverisë, por çimentimi i raportit mes palëve. Na duhet opozitë me autoritet moral. Askush nuk mund të ketë shpresë që Berisha, Basha apo 15 copa që shkëputen nga PD, ta kenë këtë autoritet.
Shikoni sondazhet, Berisha ka përlqyeshmëri 28%, thonë Nelson Mandela…
Edi Rama është në të njëjtin hulli degradimi, por avantazhi është që ka pushtet, ka paranë e dynjasë. Mendoj se ne e kemi potencialin“, tha Qori.
