Presidenti i Turqisë, Recep Tayyip Erdoğan do të zhvillojë ditën e nesërme (e enjte, 10 tetor) një vizitë zyrtare, teksa së fundmi është zbardhur edhe agjendja e tij.
Rreth orës 11:30 është planifikuar që të mbahet pritja në Presidencë, teksa më pas pritert të zhvillojë një takim kokë më kokë me kreun e shtetit, Bajram Begaj.
Rreth orës 12:40 pritet mbledhja e përbashkët, mes dy Qeverive dhe firmosja e marrëveshjeve të planifikuar, teksa në orën 14:00 pritet të dalën në konferencë të përbashkët kryeministri Edi Rama dhe presidenti turk Recep Tayyip Erdoğan.
Në orën 16:30 është planifikuar ceremonia e inagurimit të xhamisë së Namazgjasë, ku do të jetë i pranishëm si Rama dhe Erdogan.
Prej vitesh kjo xhami i ka mbajtur dyert mbyllur, për shkak të përplasjeve të Erdogan me Komuniteti Mysliman të Shqipërisë, duke e konsideruar këtë institucion si të kapur nga kundlrshtari i tij Fethullah Gülen.
Duket se tashmë është gjetur zgjidhja dhe imami i xhamisë do të jetë turku Enes Bastur, edhe pse xhamia është në territorin shqiptar.
Edhe Komuniteti Mysliman i Shqipërisë ka konfirmuar pjesëmarrjen në ceremoninë e inagurimit të xhamisë së Namazgjasë, ku do të përfaqësohet nga Myftiu i Tiranës, Gazment Teqja, i cili do të jetë gjithashtu edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë më tej.
Axhenda:
11:30 – 11:40
Ceremonia e pritjes në presidencë
11:40 – 12:40
Takim koke me koke me presidentin Begaj
12:40 – 13:40
Mbledhja e Këshillit të bashkërendimit të nivelit të lartë
13:40 – 14:00
Ceremonia e firmosjes së marrëveshjeve
14:00 – 14:30
Deklaratë Erdogan- Rama
16:30 – 17:30
Ceremonia e inaugurimit të Xhamisë
Megjithatë agjenda e vizitës së presidentit turk mund ti nënshtrohet ndryshimeve në orare dhe takime.
