Policia e Lezhës ka arrestuar dy persona, të cilët shisnin lëndë narkotike të ndarë në doza, ndërsa një i mitur është proceduar penalisht në gjendje të lirë.
Në pranga janë vënë shtetasit Leo Marku, 36 vjeç, dhe Alfred Ndreu, 19 vjeç, banues në Laç, për veprën penale “Prodhimi dhe shitja e lëndëve narkotike”, ndërsa është proceduar një 17-vjeçar.
“Gjatë kontrollit në automjet tip “Volkswagen” dhe kontrollit fizik ndaj 3 shtetasve që qarkullonin me të, shërbimet e Policisë gjetën doza të lëndëve të dyshuara narkotike kokainë dhe kanabis. Në cilësinë e provës materiale u sekuestruan lënda narkotike, automjeti dhe 3 celularë.” – thuhet në njoftim.
Materialet procedurale i janë referuar Prokurorisë pranë Gjykatës së Shkallës së Parë Lezhë, për veprime të mëtejshme.
