Grupi parlamentar i Partisë Demokratike ka vendosur që të ndërpresë çdo marrëdhënie institucionale në Kuvend me mazhorancën socialiste.
Ky vendim është marrë pas burgosjes së deputetit Ervin Salianji nga Gjykata e Apelit, duke e konsideruar si një vendim të marrë pa prova, por mbi urdhrat e Edi Ramës dhe Fatmir Xhafaj për hakmarrje politike.
Vendimi u komunikua nga kreu i grupit Gazment Bardhi në një konferencë për mediat, teksa tha se mbështet edhe vendimin për përshkallëzimin e aksionit politik.
“Grupi i PD-së duke respektuar qëndirmin personal të Salianjit, ka vendosur që nga ky moment me burgosjen e deputetëve të opozitës nuk ka për të parut asnjë marrëdhënie normale institucionale me shumicën në Kuvendin e Shqipërisë. Mbështet thirrjen e Kryesisë për përshkallëzimin e aksionit politik”, – tha Bardhi.
