Kreu i grupit parlamentar të PD-së, Gazment Bardhi është prononcuar për mediat pas mbledhjes së grupit parlamentar, ku në fokus ishte aksioni opozitar pas dënimit politik nga Gjykata e Apelit me 1 vit burgim ndaj deputetit demokrat Ervin Salianji.
Bardhi deklaroi se sot është kaluar vija e kuqe që ndante demokracinë e brishtë me diktaturën që kërkon të instalojë kryeministri Edi Rama, teksa shtoi se gjyqtarët që morën vendimin janë në konflikt interesi.
Ai tha se deputetët kanë bërë propozimet e tyre, teksa do të jetë Kryesia që do të mblidhet sot, e cila do të vendosë se si do të vazhdojë aksioni opozitar pas këtij vendimi.
Gazment Bardhi: Në emër të grupit të PD dua të dënoj me forcë vendimin politik të urdhëruar nga zyra e Ramës kundër deputetit Salianji. Vendimi i sotëm i paprecedentë nuk ka asnjë rast në Shqipëri kur dikush për kallëzim të rremë të ketë shkuar në burg. Rasti i parë në 34 vite nga 3 gjyqtar të Apelit që dorëzojnë në burg një deputet të opozitës. Vendimi i sotëm nuk është kundër Salianjit, është kundër cdo qytetari që vendos të përballet me qeverinë e kriminalizuar. Beteja bëhet kundër mandatit të Salianjit. Nuk ka kryer korrupsion dhe as vrasje, por që ka bërë denoncime. Nuk janë të shumtë qytetarët që bëjnë denoncime dhe me këtë vendim Rama u dha mesazh cdo qytetari, se kush denoncon qeverinë prangat i ka ai në xhep. Geron Xhafaj është trafikant i dënuar droge, këtë tha Ervin Salianji. E pse gënjeu Salianji? Geron Xhafa është një i dënuar me vendim të formës së prerë nga Gjykata italiane Sot është kaluar vija e kuqe, vija e hollë që ndante demokracinë e brishtë shqiptare me diktaturën që po kërkon të instalojë Rama.
Gjyqtarë në konflikt interesi. E patë cfarë ndodhi sot. Gjyqtarët hynë në sallë dhe thanë se na ka ardhur një provë e re nga Geron Xhafa dhe po shkojmë ta marrim. Prandaj e shtynë me një javë marrjen e vendimin që të mbushnin dosjen me prova të reja, njësoj siç bënë në Shkallën e Parë. Kjo është drejtësi e fabrikuar. Një nga gjyqtarët që dha vendimin ka qenë përfaqësues politik i PS-së në KQZ. Gjyqtarja tjetër Iliba Bezati karrierën e saj në Apel e ka falë Fatmir Xhafajt. Inspektorët e KLD kërkonin shkarkimin e Bezatit, ndërkohë që Fatmir Xhafaj kur ishte ministër i Drejtësisë, jo vetëm që nuk lejoi trajtimin e kërkesës së Inspektorëve, por e ka promovuar në Apel.
A mund të thotë sot një shqiptar, pse nuk bëhet një hetim pasuror ndaj Fatmir Xhafajt, njësoj siç bën AntiMafia ndaj të gjithëve vëllezërve të trafikantlve të drogës? Pse nuk e bëjnë këta gjyqtarë. Pse vëllain i një trafikanti droge nuk kalojnë në sitën e pasurisë sipas ligjit antimafia?
Kodi mafioz që Edi Rama vendosi nëpërmjet vendimit të Apelit është një shpallje lufte me grupin parlamentar dhe opozitën. Kolegët kanë bërë propozimet e tyre që do të kalojnë për votim në kryesinë e PD që mblidhet urgjent po sot. Beteja bëhet kundër mandatit të Salinajit, ai nuk ka bërë betejë personale.
