Kryetari i Partisë Demokratike Sali Berisha nuk do të paraqitet nesër në Prokurorinë e Posaçme (SPAK) personalisht për t’ju komunikuar mbyllja e hetimeve për privatizimin e ish-kompleksit sportiv “Partizani”
Klan News ka mësuar nga burime se në SPAK do të paraqiten vetëm avokatët e tij për t’u njohur me mbylljen zyrtarisht të hetimeve ndaj ish-kryeministrit dhe dosja do të kalojë më pas në gjykatë.
Kujtojmë se më 11 Shtator, Sali Berisha u paraqit në SPAK ku ju komunikua zyrtarisht se është i pandehur për akuzën e korrupsionit pasiv të funksionarëve të lartë të kryer në bashkëpunim.
Kryedemokrati doli nga banesa ku qëndronte në arrest shtëpie dhe shkoi në Prokurorinë e Posaçme për t’u njohur me akuzën. Sali Berisha qëndron në “arrest shtëpie” që prej 30 Dhjetorit 2023.
