Drejtuesi politik i Partisë së Lirisë në Qarkun e Beratit, Lefter Maliqi, shprehet se është e pamoralshme fakti që disa demokratë e opozitarë shprehin vrer në media kundër PD e Berishës, por nuk bëjnë asgjë kundër Ramës.
Maliqi u ka bërë thirrje të bashkohen nëse e duan vendin, familjen të ardhmen e përbashkët europiane dhe demokracinë.
Ai shprehet se është koha për bashkim jo për diversione, koha për përballje, jo për përfitime nga regjimi, koha për revolucion, jo për “Show Mediatik”.
Maliqi shprehet se është koha ta shpëtojnë vendin nga shpopullimin dhe nga rrëshqitja në diktaturë!
Postimi i plotë:
E pabesueshme e dënueshme e pamoralshme!
Ç’janë këta/ këto demokratë e opozitarë që dalin në Media plot vrere, akuza ndaj PD e Berishës! Kujt i shërbejnë keta? Kush i çon në Media kush i keqpërdor? Po pse nuk shajnë Ramën, por merren me Berishën? Çfarë janë këta që i japin oksigjen Regjimit?! A janë Patriotë këta? A e duan vendin këta? Po mirë more kë doni ju të fitojë Rama i Regjimit apo Berisha i Demokracisë, se e sigurt njëri fiton, s’ka shanc të fitojë njeri me këtë “Kod Zgjedhor”?
Çfarë keni me Berishën, që rriti pagat, dyfishoi pensionet, bashkoi kombin liberalizoi vendin, familjar, fisnik, human, patriot i fjalës së mbajtur. Po Rama që shpopulloi vendin, i varferoi, kapi Drejtësinë e çdo Institucion, plot skandale korruptivë, bleu Ndërkombëtarët, mbushi vendin me drogë, prishi familjet, po vret djali babanë vëllai vëllanë, mik i Vuçiçit dhe kundërshtar i Kurtit etj.
Po si ka mundësi i bëni qejfin dhe i shërbeni në opinionin publik Regjimit të Ramës?? Thirrja ime është: Bashkohuni nëse e doni vendin, familjen të ardhmen e përbashkët Europiani, Demokracinë e nëse jeni patriotë.
Koha për Bashkim jo për Diversione! Koha për përballje, jo për përfitime nga Regjimi! Koha për aksion opozitar, jo akuza boshe Mediatike, koha për Revolucion, jo për “Show Mediatik”! Koha për t’a bërë natën ditë, deri në fitore.! Reflektoni!
Bashkohuni se koha është tani! Të shpëtojmë vendin nga shpopullimin, nga rrëshqitja në Diktaturë! Fitore!
